Naranasan mo ba ang mga taong ayaw magbahagi ng kanilang ideya o sarili sa anumang meeting, klase, o group study? O kaya mga kaklaseng nagtatago ng notebooks nila, dahil gusto nilang lamangan ang iba sa grades o kaya sa karangalang iginagawad ng eskuwelahan.
Mayroon akong nabasang isang talinhaga:
“May t-shirt ka, may t-shirt ako.
At tayo’t nagpalitan.
Ngayon, may t-shirt ka, may t-shirt ako.
Wala namang nagbago.
May ideya ka, may ideya ako.
At tayo’y nagpalitan.
Ngayon, dalawa na ang ideya mo, at dalawa na rin ang ideya ko.
Mas may nagbago.”
Mahalaga sa ating buhay ang pagbabahagi ng ating mga kuro-kuro ukol sa isang isyu ng sarili, sa trabaho, o sa lipunan. Wika ng maraming pilosopo, walang tao ang may orihinal na kaisipan. Laging may pinangagalingan ang ating mga kaalaman. Kung bukas tayo sa iba’t ibang ideya at ibinabahagi natin ang mga ito, maaaring matagpuan natin ang pinakamagandang solusyon sa ating mga problema. Ipagdasal natin na buksan ng Diyos ang ating puso’t isipan, upang matulungan natin ang bawat isa, hindi lamang sa paguunawa kundi sa paghahangad ng solusyon sa ating mga suliranin.
As Kingfishers Catch Fire 