Maligaya ka ba?

Kape't PandasalMaiba naman ang mood ng ating mga pagninilay. Maligaya ka ba?

Pagninilayan natin ngayon ang ligaya, ang “joy” sa ating buhay. Ang joy o ligaya ay mas malalim kaysa sa mga karanasang kilig kung nakita mo ang iyong ‘crush’ o kaya ang saya kapag kasama ang barkada. Ang ligaya ay mas malalim, hindi nakabatay sa iba’t ibang sitwasyon tulad ng kilig o saya. Ang tunay na ligaya ay lumalampas sa ating mga pang-araw-araw na problema.

 

Nararamdaman ang saya kapag ito ay binabahagi: a ‘shared’ joy. Sa kabila ng ating mga pagkakaiba, may sigla sa ating pagsasama at pagkakaisa. Sa kabila ng ating problema tulad ng trapik, pangungurakot at mahinang pamumuno, may saya pa rin dahil may sabay-sabay nating dinadala at sinusubukang lutasin ang lahat ng mga ito. At higit sa lahat, hindi tayo nawawalan ng pag-asa.

Tayong mga may pananampalataya ay minsan mahirap maunawaan. Sa mga nasalanta sa Samar noong bagyong Nona, ito pa rin ang sinasabi nila: Nagpapasalamat sila dahil kahit nagiba ang kanilang bahay, buhay na buhay pa rin sila.

Ito rin ang makikita natin sa mga mahihirap, kaya nilang tumawa sa gitna ng kanilang pagdurusa. Ang ligaya na ito ay biyaya ng Diyos sa atin.

Manalangin tayo: Panginoon, bigyan niyo po kami ng ligaya na galing sa pinakarurok ng aming puso; ang ligayang tumatawid sa amin sa kabila ng aming pinagdadaanan. Amen.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s