Labis akong natutuwa sa mga first-time na ma-inlove. “Pads, na-fall ako,” sabi ng isa sa kanila. “Na-fall” ang tawag ng kabataan kapag sila ang “na-fall-in-love.” Natutuwa ako kasi sa murang edad nararanasan na nila ang isa sa mga sikreto ng kasiyahan sa buhay—na ang tunay na kaligayahan ay natatagpuan sa pagmamahal ng ibang tao, o sa pagiging isang “person for others.”
Habang nakakamtan ang mga iPhones at iPad, kung saan pinahahalagahan ang “I” o ang sarili, mas maraming tao ang nakakaramdam ng kalungkutan. We are a connected but isolated generation. Dahil dito, mahalaga ang mga volunteerism o anumang pagtutulungan.
Sa kanyang research, nakita ni Dr. Donald Moynihan, may akda ng librong The Dynamics of Performance Management, ang halaga ng kusang pagtulong o altruism. Sabi niya, “Helping others makes us happier. Altruism is not a form of martyrdom, but it operates for many as part of a healthy psychological reward system.”
We feel good when we do good.
Tweet
Matagal na natin alam ang halaga ng pagmamahal sa kapwa. Kaya ang punto sa episode na ito ay simple lamang: Ituloy pa rin ang ating ginagawang pagtulong sa iba. Makakabuti ito sa ating lahat.
Manalangin tayo: Ibaling mo ang aming puso, O Panginoon, hindi sa aming sarili, kundi sa kapakanan ng iba. Amen.
As Kingfishers Catch Fire 